Tum meri ankh k tewar na bhula pao ge
tum meri ankh k tewar na bhula paoge
ankahi bat ko samjhoge to yad aunga
ham ne khushyon ki tarah dukh bhi ikathe dekhe
safah-e-zist ko paltoge to yad aunga
isi andaz mein hote the mukhatib mujh se
khat kisi aur ko likhoge to yad aunga
sard raton k mahkate hue sannaton mein
jab kisi phul ko chumoge to yad aunga
ab tere ashk main honthon se chura leta hun
hath se khud inhen ponchoge to yad aunga
shal pahnayega ab kaun decembar mein tumhen
barishon mein kabhi bhigo ge to yad aunga
aj tum mahfil-e-yaran pe ho magrur bahut
jab kabhi tut k bikhroge to yad aunga
hadse ayenge jiwan mein to tum ho k nidhal
kisi diwar ko thamoge to yad aunga
is mein shamil hai meri bakht ki tariki bhi
tum siyah rang jo pahnoge to yad aonga
<............>
dayar-e-gair mein kaise tujhe sada dete
dayar-e-gair mein kaise tujhe sada dete
tu mil bhi jata to tujhe ganwa dete
tumhin ne ham ko sunaya na apna dukh warna
dua wo karte k ham asman hila dete
hamein ye zom raha ab k wo pukarenge
unhen ye zid thi k har bar ham sada dete
wo tera gam tha k tasir mere lahje ki
k jis ko hal sunate use rula dete
tumhen bhulna hi awwal to dastaras mein nahin
jo ikhtiyar bhi hota to kya bhula dete
tumhari yad ne koi jawab hi na diya
mere khayal k ansu rahe sada dete
samton ko main ta-umr kosta Syed
wo kuch na kahte magar honth to hila dete
dayar-e-gair mein kaise tujhe sada dete
tu mil bhi jata to tujhe ganwa dete
tumhin ne ham ko sunaya na apna dukh warna
dua wo karte k ham asman hila dete
hamein ye zom raha ab k wo pukarenge
unhen ye zid thi k har bar ham sada dete
wo tera gam tha k tasir mere lahje ki
k jis ko hal sunate use rula dete
tumhen bhulna hi awwal to dastaras mein nahin
jo ikhtiyar bhi hota to kya bhula dete
tumhari yad ne koi jawab hi na diya
mere khayal k ansu rahe sada dete
samton ko main ta-umr kosta Syed
wo kuch na kahte magar honth to hila dete
<...........>
Sochta hon k usey neend bhi aati hogi
Sochta hon k usey neend bhi aati hogi
Ya faqat meri tarah ashk bahaati hogi
Woh meri shakal mera naam bhulane wali
Apni tasveer se kyaa aankh milaati hogi
Sham hote hi wo chaukhat pe chala kar shammaein
Apni palkon pe kaii khwaab sajaati hogi
Us ne silwaa bhi liye honge siyaah rang libaas
Ab Moharram ki tarah Eid manaati hogi
hoti hogi mere bosay ki talab main paagal
Jab bhi zulfon main koi phool sajaati hogi
Dil ki masoom ragein khud hi sulagti hongi
Juhin tasveer ka kona wo jalaati hogi
Roop de kar mujhe is main kisi shehzade ka
Apne bachon ko kahaani woh sunaati hogi
Sochta hon k usey neend bhi aati hogi
Ya faqat meri tarah ashk bahaati hogi
Woh meri shakal mera naam bhulane wali
Apni tasveer se kyaa aankh milaati hogi
Sham hote hi wo chaukhat pe chala kar shammaein
Apni palkon pe kaii khwaab sajaati hogi
Us ne silwaa bhi liye honge siyaah rang libaas
Ab Moharram ki tarah Eid manaati hogi
hoti hogi mere bosay ki talab main paagal
Jab bhi zulfon main koi phool sajaati hogi
Dil ki masoom ragein khud hi sulagti hongi
Juhin tasveer ka kona wo jalaati hogi
Roop de kar mujhe is main kisi shehzade ka
Apne bachon ko kahaani woh sunaati hogi
<...........>
No comments:
Post a Comment
Please Comment Here